Янги йил байрами муносабати билан «Ўзбекистон темир йўллари» акциядорлик жамияти ва Ўзбекистон темирйўлчилари ва транспорт қурувчилари касаба уюшмаси Республика Кенгаши ҳамкорликда бир қатор чора-тадбирлар амалга оширилди. Акциядорлик жамияти раҳбарияти ташаббуси билан соҳада меҳнат қилаётган ишчи-ходимлар учун арзонлаштирилган нархларда Янги йил ярмаркалари ташкил этилди. Шунингдек, темир йўл соҳасида кўп йиллар фидокорона меҳнат қилган кекса темирйўлчилар холидан хабар олиниб, Янги йил совғалари, озиқ-овқат тўпламлари манзилли тарқатилди.
Байрам арафасида Тармоқ касаба уюшмаси Республика Кенгаши ва тасарруфидаги барча корхона ва ташкилотлар касаба уюшмалари томонидан “Касаба уюшмалари — болаларга” акцияси доирасида темирйўлчилар, транспорт қурувчилари ва метрополитен ишчи-ходимларининг фарзандлари учун турли театр ва санъат саройларида намойиш этилган Янги йил томошаларига чипталар тарқатилди.
Эътироф этиш жоизки, “Анҳор — Локомотив” боғида ўрнатилган Ўзбекистоннинг асосий Янги йил арчаси барчага манзур бўлмоқда. Байрам томошаларида болажонлар муҳташам Янги йил арчасини кўриб, турли ўйингоҳларда, аттракционларда учиб бир олам қувонч олишмоқда.