14 январь — Ватан ҳимоячилари куни муносабати билан  «Ўзтемирйўлмаштаъмир» унитар корхонасида ҳам “Мардлар қўриқлайди Ватанни” шиори остида қатор тадбирлар бўлиб ўтди. Унда корхонада фаолият юритаётган ишчилар ўртасида спорт мусобақалари ўтказилиб, иштирокчилар спортнинг 10 дан ортиқ тури бўйича беллашишди. Мусобоқа сўнгида ғолиблар аниқланиб, корхона касаба уюшма қўмитаси томонидан фахрий ёрлиқ ҳамда эсдалик совғалар билан тақдирланди.

Шунингдек, байрам муносабати корхонада адабий-бадиий кеча ташкил этилди. Унда эл ардоғидаги санъаткорлар томонидан Ватан, мардлик ва жасоратни мадҳ этувчи куй-қўшиқлар тараннум этилди.