Мамлакатимиз кундан кун очилиб, амалга оширилаётган ўзгаришлар юртдошларимизга чексиз ғурур бағишламоқда. Барча соҳаларда бўлгани каби темир йўл тизимида ҳам ўзига хос ютуқлар бўй кўрсатмоқда.

Айни кунларда касб байрами кенг нишонланаётган темирйўлчиларга Президентимиз Шавкат Мирзиёев табрик йўллаб, тизимда кўп йиллардан буён фидойилик кўрсатиб келаётган соҳа ходимларидан бир гуруҳини давлатимизнинг юксак мукофотлари билан тақдирлади. Улар сафида Ўзбекистон темирйўлчилари ва транспорт қурувчилари касаба уюшмаси Республика Кенгаши раиси Қутлимурот Сабировнинг ҳам борлиги барчамизни бирдек қувонтирди. У “Дўстлик” ордени билан муфотланди.

Узоқ йиллардан буён тизимда самарали меҳнат қилиб, ишчи-ходимлар ижтимоий-иқтисодий ҳуқуқ ва манфаатларини ҳимоялаш, уларнинг оила аъзоларини соғломлаштириш, муносиб меҳнат ва дам олиш шароитларини яратиш, меҳнат муҳофазасини таъминлаш ишларига ўзининг салмоқли ҳиссасини қўшиб келаётган ҳамкасбимизга келгуси ишларида ҳам улкан зафарлар тилаймиз.

• 2018 йил 7 август
• “Ишонч” газетаси 93-сони.