Ўзбекистон Республикаси Президенти томонидан мамлакатимизда туризмни изчил ривожлантириш истиқболлари, сайёҳлик объектларидан самарали фойдаланиш, кўрсатилаётган хизмат турлари сифатини ошириш, юртимизнинг диққатга сазовор жойларига сайёҳлар оқимини кўпайтириш бўйича қабул қилинган қатор қарорларида белгилаб берилган вазифалар ижросига кўмаклашиш ҳамда “Ўзбекистон бўйлаб саёҳат қил!” шиори остида ички туризмни ривожлантириш мақсадида қатор ишлар амалга оширилди.

Сайёҳлик дастурларида касаба уюшмаларининг фаол иштирокини таъминлаш ҳамда корхона, ташкилот ва муассасаларда меҳнат қилаётган ходимлар ва уларнинг оила аъзолари учун юртимизнинг тарихий шаҳарлари ва зиёратгоҳларига саёҳатларни ташкил этиш, мамлакатимизнинг диққатга сазовор жойларига сайёҳлар оқимини янада кўпайтиришга кўмаклашиш мақсадида Республика Кенгаши томонидан қабул қилинган раёсат қарорига биноан “Тоштемирйўллойиҳа”, “Кўприкқурилиш” трести унитар корхонаси ҳамда “Ўзтемирйўлмаштаъмир” унитар корхонасининг 50 нафардан ортиқ ходимлари учун қадимий Хива шаҳрига саёҳат уюштирилди.

Ўзбекистон Республикасининг мустақилигини 29 йиллиги муносабати билан уюштирилган ушбу туризмга саёҳатчиларни соғлиқларни назорат қилиш учун тиббиёт ходимлари ҳам бириктирилди. Хива шаҳрига уюштирилган 3 кунлик саёҳат давомида темирйўлчилар Хива хонлиги ҳудудида яшаган туркман қабилаларини маданияти ва турмуш тарзини намойиш қилувчи энг қадимий обидалардан бўлган Улли Ховли, Ичан қалъа тарихий ёдгорлиги ва Жалолиддин Мангуберди мажмуасига ташриф буюришди.