Ўзбекистон Касаба уюшмалари Федерацияси ташаббуси билан ташкил этилган “Ўз касбининг моҳир эгалари” танловининг темир йўл соҳасида бўлиб ўтган босқичи ғолиблари аниқланди. Мазкур анъанавий тадбир Ўзбекистон темирйўлчилари ва транспорт қурувчилари касаба уюшмаси Республика Кенгаши томонидан ташкил этилиб, унда номзодларнинг касб малакаси, билим ва тажрибаси, самарали меҳнат фаолияти инобатга олинди. Турли йўналишлар бўйича ўтказилган танловда Саид Рўзиев, Гулнора Абдуллаева, Фотима Мамадалиева, Зафаржон Ҳакимов, Баҳодир Абдиев, Махмашариф Жумаев, Тоштемир Райимов, Марат Танатаров, Бобоназар Мамаев, Султанбай Сейтов, Гапит Мирзатаев ва Шакир Жўраевлар “Ўз касбининг моҳир эгаси” сифатида тан олинди.
— Менинг касбим ҳар доим сергакликни ва ишга тўлақонли масъулиятни талаб этади. Меҳнат муҳофазасига эътибор инсон ҳаётига, хавфсизлигига бўлган масъулиятидир. “Танлов ғолибларидан бири бўлганим мени ишимга бўлган иштиёқим, масъулиятимни янада оширади албатта, — дейди танлов ғолибларидан бири “Ўзтемирйўловчи” акциядорлик жамияти Тошкент йўловчилар ташишни ташкил этиш филиали меҳнат муҳофазаси ва техника хавфсизлиги муҳандиси Гулнора Абдуллаева.
Танлов ғолиблари ташкилотчилар томонидан муносиб тақдирланди.