2020 йил 21 октябрь куни Республикамизда илк маротаба Ўзбек тили байрами нишонланади. “Ўзбекистон темир йўллари” акциядорлик жамияти Етакчилар Кенгаши ҳамда Ўзбекистон темирйўлчилари ва транспорт қурувчилари касаба уюшмаси Республика Кенгаши тасарруфидаги Марказий касаба уюшма кутубхонаси ҳамкорлигида ушбу санага бағишлаб “Зукко китобхон” кўрик-танлови ўтказилди. Унда темирйўл тасарруфидаги корхона, ташкилот ва муассасаларда ўтказилган кўрик-танловининг 1-босқичида ғолиб бўлган олти нафар ёш темирйўлчилар иштирок этдилар. Шунингдек, байрамига бағишлаб “Она тилимиз – миллий маънавиятимизнинг битмас туганмас бўлоғидир” деб номланган китоблар, журнал ва рисолалардан иборат кўргазма ҳам ташкил этилди.