Темирйўлчилар ўртасида спортни кенг тарғиб қилиш соҳа ходимларининг  саломатликларини асрашда муҳим роль ўйнайди. Шу боис  “Локомотив” марказий жисмоний спорт клуби томонидан темир йўл корхоналари ишчи-ходимлари ўртасида турли спорт мусобақаларини ўтказишга катта аҳамият берилмоқда.

Ўтган ҳафтада  “Ўзбекистон темирйўлчилари ва транспорт қурувчилари касаба уюшмаси Республика Кенгаши ташаббуси билан темирйўлчилар касб байрамига бағишлаб сузиш бўйича мусобақа ташкил этилди.

Тармоқ   тасарруфидаги корхоналарда фаолият юритаётган 60 нафарга яқин ишчи-ходим иштирок этган мазкур беллашув Тошкент темир йўл муҳандислари институтининг  сузиш ҳавзасида бўлиб ўтди.

Мусобақанинг эстафета сузиш шарти бўйича 1-ўринни “Бухоро минтақавий темир йўл узели” унитар корхонаси, 2-ўринни “Термиз минтақавий темир йўл узели” унитар корхонаси, 3-ўринни “Қўнғирот минтақавий темир йўл узели” унитар корхонаси жамоаси эгаллади.

Шунингдек, 50 метрга сузиш бўйича беллашув ҳам қизғин кечди. Ғолибликни Л.Запарожец, Н.Беренгер, А.Курбанов, Д.Азимов, К.Суярова, З.Муратова, А.Бектаиров, А.Ташетов, М.Стружанова, Д.Исмаилова, А.Абдураззаков, С.Корнеев каби чаққон спортчи-темирйўлчилар қўлга киритди.

Мусобақа  ғолибларига кубок, диплом ва қимматбаҳо совғалар  топширилди.