“Локомотив” МЖСК спорт бўлими ходимлари томонидан “Ўзбекистон темир йўллари” акциядорлик жамияти тасарруфидаги  “Янги-авлод”, “Қибрай”, “Бурчи-мулло”, “Дўстлик”, “Темирйўлчи” болалар соғломлаштириш оромгоҳлари ҳамда “Қўнғирот” санаторий-профилакториясида болалар ўртасида шашка, арқон тортиш, футбол, дартс, турган жойдан узунликка сакраш, 100 метрга югуриш, арқонда сакраш ва арқон тортиш мусобақалари ўтказилди. Шунингдек, оромгоҳларда “Спорт-саломатлик гарови”, “Шахсий гигиена” мавзуларида суҳбатлар ўтказилмоқда. Ушбу мусобақалар болажонларга жуда манзур бўлмоқда. Уларнинг оромгоҳда ўтаётган вақтлари янада қизиқарли ва ёдда қоларли воқеа-ҳодисаларга бой бўлмоқда. Спорт мусобақаларида ғолибликни қўлга киритган барча болаларга ташкилотларчилар томонидан совғалар тақдим этилди.