4 март куни Тошкент темир йўл муҳандислари институти Спорт мажмуасида Касаба уюшма қўмитаси томонидан 8 март – Халқаро хотин-қизлар куни байрами муносабати билан спорт мусобақаси ўтказилди.

Мусобақага институтнинг барча таркибий қисм ва бўғинларида фаолият юритаётган аёллар таклиф этилди. Унда хотин-қизлар спортнинг эстафетали югуриш, шахмат, шашка, стол тенниси турлари бўйича куч синашди.

Спорт фестивалининг эстафета (қисқа масофага югуриш, копток билан югуриш, баскетбол саватчасига тўп тушириш) тури бўйича баҳслар шиддатли ва муросасиз ўтди. Мусобақаларда иштирок этган 11 жамоанинг барчаси турли номинацияларга сазовор бўлди.

Институт “Жисмоний тарбия” кафедрасининг маҳоратли ўқитувчи ва спорт мураббийларидан ташкил топган ҳакамлар хайъати жамоалар ўртасидаги баҳсларни баҳолаб боришди.

ўтаринки руҳда ташкил этилган мусобақалар якунида ғолибларга Касаба уюшма қўмитасининг эсдалик совғалари топширилди.