“Тошкент минтақавий темир йўл узели” унитар корхонаси ҳудудий касаба уюшма қўмитаси ташаббуси билан  Тошкент юк вагон депоси спорт мажмуасида  спортнинг тош кўтариш, армрестлинг ва шашка турлари бўйича мусобақа бўлиб ўтди.

Мусобақаларда минтақавий темир йўл узели тасарруфидаги 16 та корхона-ташкилотлардан жами 48 нафар ишчи-ходим иштирок этди. темирйўлчилар саломатлигини мустаҳкамлаш, уларнинг бўш вақтларини мазмунли ўтказишлари мақсадида ташкил этилган ушбу мусобақа кўтаринки руҳда ва баҳс-мунозараларга бой бўлиб ўтди.

Натижада, мусобақалар сўнггида  1-ўринга тош кўтариш бўйича “406-сон ихтисослаштирилган қурилиш-монтаж поезди” омбор мудири М. Рустамходжаевга, шашка бўйича «Ўзбекистон» локомотив депоси ишчиси Х. Пирматовга, армрестлинг бўйича Ховос темир йул масофаси йўл монтери Б. Бобожоновларга насиб этди. Мусобақанинг барча ғолиб ва совриндорлари ҳудудий қўмитанинг эсдалик совғалари билан такдирландилар.