“Қуюв механика заводи” шўъба корхонаси касаба уюшма қўмитаси томонидан корхонада самарали меҳнат қилаётган темирйўлчиларнинг бўш вақтларини мазмунли ташкил этиш, уларнинг маънавиятини ошириш, юртимизнинг бой тарихини улар онгига сингдириш мақсадида юртимизнинг қадимий шаҳарларига саёҳатлар уюштириб туриш анъанага айланган. Қадимий ва ҳамиша навқирон Самарқанд шаҳрига уюштирилган саёҳат “Temiryo’lKasabaServis” МЧЖ билан  ҳамкорликда ташкил этилиб, унда корхона ишчи-ходимлари ва  улар оила аъзоларидан иборат бўлган 45 нафар ходим иштирок этди.

Улар дастлаб Имом ал-Бухорий мақбарасида бўлишди. Шундан сўнг Гўри Амир, Шохи Зинда каби зиёратгоҳлар, мустақиллик йилларида бунёд этилган гўзал иншоотларга ташриф буюришди. Кўнгилли саёҳат темирйўлчиларга жуда ҳам манзур бўлди.