“Ўзтемирйўлқурилишмонтаж” унитар корхонаси касаба уюшмаси томонидан Сардоба намунали уй-жой қурилишида ишлаётган корхона ишчи-ходимлар ўртасида мини футбол бўйича мусобақа ўтказилди. Ушбу мусобақада жами 8 та жамоа қатнашди. Жамоалар 15 дақиқадан жами 2 таймда ўйнаб, мағлуб бўлган жамоа ўйиндан чиқиб кетди. Ғолиб чиққан командалар ўйинни давом эттиришди.

Ўйинлар шиддатли ва қизғин баҳс-мунозараларга бой бўлиб ўтди. Натижада “Сардоба”, “Наврўз”, “Алпомиш” ва     “Бетончилар”       командалари  фаол иштирок этиб, “Сардоба” командаси ғолибликни қўлга киритди. 2-3-ўринларни “Алпомиш” ва “Бетончилар” командаси қўлга киритди. 1-ўринни эгаллаган “Сардоба” командаси футболчилари мастер Мусохон Пўлатов , бетончилар Умид Хасанов, Умид Исмоилов, Рўзимат Қосимов, Ойбек Сафаров ва дурадгор Иззат Эрназаровлар эсдалик совғалар билан  тақдирландилар.
Шунингдек, 2-ўрин эгаллаган “Алпомиш” командаси ва 3-ўрин насиб этган  “Бетончилар” командаси жамоасига ҳам касаба уюшмасининг совғалари тақдим этилди.