2018 йил — “Фаол тадбиркорлик, инновацион ғоялар ва технологияларни қўллаб-қувватлаш  йили” давлат дастурига ҳамда корхона касаба уюшмаси қўмитаси режасига кўра Қарши электр таъминоти корхонаси ходимлари ўртасида спортнинг шахмат ва шашка тури бўйича мусобақа ўтказилди.

Тадбирда корхонанинг ЭЧК-31 Деҳқонобод, ЭЧК-32 Оқработ, ТПС-31 Деҳқонобод ва ТПС-32 Оқработ цехларининг ишчи-ходимлари иштирок этишди. Спорт мусобақасида темирйўлчилар фаол қатнашиб, энг кучлилари совринли ўринларни қўлга киритишди.

Мусобақа якуни бўйича 1-ўринни ЭЧК-31 корхонаси ишчиси Мехрож Абдусаломов, 2-ўринни ТПС-31 корхонасидан Карим Суюнов, 3-ўринни ЭЧК-32 корхонаси ходими Умарали Назаров ва 4-ўринни ТПС-32 корхонасидан Элмурод Хайитовлар қўлга киритишди.

Мусобақанинг ғолиб ва совриндорларига Қарши электр таъминоти корхонаси касаба уюшма қўмитасининг  эсдалик совғалари топширилди.