Наврўз умумхалқ байрами муносабати билан “Тошкент механика заводи” акциядорлик жамияти раҳбарияти ҳамда касаба уюшмаси ташкилоти ташаббуси билан корхона ишчи-ходимлари учун тантанали байрам тадбири ўтказилди. Тадбирда байрам дастурхони ёзилиб, унда баҳорий ва миллий таомлар тортилди.

Эл ардоғидаги санъаткорлар томонидан ижро этилган куй ва қўшиқлар тадбирга ташриф буюрганлар учун  байрамона кайфият бағишлади.

Шунингдек, байрам кунлари  корхона касаба уюшма ташкилоти томонидан  илғор ишчи-ходимлар, ёшлар, меҳнат фахрийлари учун қадимий ва ҳамиша навқирон Самарқанд шаҳрига саёҳат уюштирилди. “TEMIR YOL KASABA SERVIS” масъулияти чекланган жамият билан ҳамкорликда ташкил этилган саёҳатда 50 нафар ишчи-ходимлар иштирок этди. Саёҳатчилар “Afrosiyob” поездида йўлга чиқдилар. Самарқанд шаҳрининг тарихий қадамжолари ва зиёратгоҳларида бўлдилар ва Республикамизнинг биринчи Президенти Ислом Каримовнинг қабрини зиёрат қилиб, “Afrosiyob” поездида Тошкентга қайтиб келишди. Саёҳат барча темирйўлчиларга манзур бўлди.