Бугунги кунда “Тошкент йўловчи вагонларни қуриш ва таъмирлаш заводи” АЖ  миқёсида олиб борилаётган ҳар бир янгиланиш ва ўзгариш, ягона миллий темир йўл тизимини яратишга доир олиб борилаётган ишлар замирида жуда катта меҳнат, 910  кишилик жамоанинг машаққатли, тинимсиз меҳнати, ҳаракати, фаолияти ётади. Янгидан янги чўққиларни забт этиш, бу билан иқтисодиётининг барқарор тараққиётини таъминлашга муносиб ҳисса қўшишга интилиш бу масаланинг бир томони. Яна бир томони борки, у ҳам бўлса, ишчи-ходимларнинг хавфсиз меҳнатини ташкил этиш ва бунинг учун барча шарт-шароитларни яратиб бериш билан боғлиқ.

“Тошкент йўловчи вагонларни қуриш ва таъмирлаш заводи” АЖ  да “Меҳнат муҳофазаси бўйича миллий ва халқаро қонунлар, халқаро конвенциялар ва қонун ҳужжатлари”дан тўлиқ фойдаланиш услублари мавзусида семинар машғулоти ўтказилди. Унда касаба уюшма қўмитасининг меҳнат муҳофазаси комиссиялари раислари, меҳнат муҳофазаси вакиллари, корхона меҳнат муҳофазаси муҳандислари, касаба уюшма қўмитасиининг фаоллари, цех, бўлим бошлиқлари, иштирок этдилар.

Меҳнат муҳофазаси соҳанинг қонунчилик базаси, янгиликлар ва унга киритилган ўзгаришларда бохабар бўлиш масъулияти бугун касаба уюшмалари мутахассислари учун ҳам долзарб вазифа. Корхона миқёсида жамоатчилик назоратини амалга оширувчи масъуллар сифатида улар томонидан бугун  қандай ишлар ташкил этиляпти? Семинар машғулотида шу каби долзарб масалалар юзасидан атрофлича фикр алмашилди.

Семинар ишида Ўзбекистон темирйўлчилари ва транспорт қурувчилари касаба уюшмаси Республика Кенгаши меҳнатни муҳофаза қилиш бўлими мудири Учқун Қаҳҳоров, корхонада меҳнат муҳофазаси ишларини ташкил этишда, ишчиларга қулай, хавфсиз ва муносиб иш шароитларини ташкил қилишда,  ҳамда меҳнат муҳофазаси қоидаларига риоя этилиши устидан жамоат назоратининг самарадорлигини ошириш юзасидан тегишли кўрсатмалар берди.