Китоб бу – бутун инсониятнинг буюк устозидир. У хаётимизнинг барча босқичларида муҳим ёрдамчи ва маслаҳатчи. Сўнгги йилларда китобга бўлган эътибор ва эхтиёж кундан – кунга кучайиб бормоқда. Айниқса ёшлар ўртасида китоб тарғиботи бўйича кўпгина ишлар амалга оширилмоқда.

“Ўзбекистон темир йўллари” акциядорлик жамияти Марказий касаба уюшма кутубхонаси ҳамда етакчилар Кенгаши ҳамкорлигида Тошкент темир йўл муҳандислари институти, Тошкент темир йўл транспорти касб-ҳунар коллежи, “Тошкент йўловчи вагонларини қуриш ва таъмирлаш заводи” акциядорлик жамияти ҳамда “Ўзбеккўмир” акциядорлик жамиятларининг ишчи-ходимлари, талаба ва ўқувчилари иштирокида “Зукко китобхон” кўрик-танловининг саралаш босқичи бўлиб ўтди.

Кўрик-танловда иштирокчилар 4 та шартда ўзларининг билимларини кўрсатишди. Уларнинг китоб мутолааси, билим даражаси ҳамда муомала маданияти эътиборга олиниб ҳайъат аъзолари томонидан баҳоланди. Биринчи ўрин Тошкент темир йўл муҳандислар институти талабаси Аъзамжон Умаралиевга, иккинчи ўрин Тошкент темир йўл транспорти касб-ҳунар коллежи ўқувчиси Рухшона Нурматовага, учинчи ўрин эса “Тошкент йўловчи вагонларини қуриш ва таъмирлаш заводи” акциядорлик жамияти чилангари Музаффар Мамудовларга насиб этди. Биринчи ва иккинчи ўрин соҳибларига Республика босқичида иштирок этишга йўлланма тақдим этилди.