“Локомотив” марказий жисмоний тарбия ва спорт клубида мини-футбол бўйича  “Ўзбекистон темирйўлчилари ва транспорт қурувчилари касаба уюшмаси Республика Кенгаши кубоги” мусобақасининг “Б” гуруҳидаги баҳслари ниҳоясига етди.

Маълумки,  ушбу мусобақада Жамият бошқармалари, корхона ва ташкилотларда фаолият кўрсатаётган темирйўлчилардан иборат жамоалар  4 та гуруҳда, 4 тадан жамоа 1 ўрин учун кураш олиб боришмоқда. Мусобақанинг дастлабки турида “А” гуруҳидан ўрин олган Капитал қурилиш дирекцияси, Вагон хўжалиги бошқармаси, Ўзбекистон локомотив депоси ҳамда “Ўзтемирйўлконтейнер” акциядорлик жамияти жамоалари ўзаро беллашиб, якуний баҳсга кўра Ўзбекистон локомотив депоси жамоаси 1-ўринни эгаллаб, мусобақанинг ярим финал йўлланмасига эга бўлган эди.

Навбатдаги мусобақанинг “Б” гуруҳида “Қуюв механика заводи” шўъба корхонаси, Тошкент юк вагон депоси, “Ўзтемирйўлмаштаъмир” унитар корхонаси ҳамда “Тошкент механика заводи” акциядорлик жамияти вакиллари ғолиблик учун муросасиз курашишди. Якунда эса “Қуюв механика заводи” шўъба корхонаси жамоаси ўз гуруҳида 1-ўринни қўлга киритиб, ярим финал иштирокчисига айланди. Мусобақанинг навбатдаги тури 16 апрель соат 8:30 да бўлиб ўтади ва унда “В” гуруҳида “Ўзтемирйўлҳисоб” маркази, Ахборот ҳисоблаш маркази, “Ўзтемирйўлйўловчи” АЖ, Ишларни бошқариш дирекцияси ҳамда сўнгги  “С” гуруҳидан Ҳарбийлаштирилган қўриқлаш бошқармаси, “Ўзтемирйўлэкспедиция” унитар корхонаси, Алоқа ва сигнализацияси бошқармаси ҳамда “Тошкент метрополитени” унитар корхонаси жамоалари баҳсга киришишади.

Мусобақаларнинг ярим финал ҳамда финал босқичи  5 май кунига белгиланган бўлиб, шу куни ғолибларни тақдирлаш маросими ҳам ташкил этилади.