“Қуюв – механика заводи” шўъба корхонаси Касаба уюшма қўмитаси томонидан ишчи-ходимлар учун Хоразм вилоятининг Урганч ва Хива шаҳарларига саёҳат ташкил этилди.

              Улар Хива шаҳридаги “Ичан Қалъа” ноёб меъморий ёдгорлик мажмуасидаги “Қадимги Хоразм” музейи, “Кўхна Арк” саройи, “Оқ шайх бобо” тепалиги, “Хон қозихонаси” интеръери, “Ислом Хўжа” минораси, “Жума масжид” Хоразм ёғоч ўймакорлиги музейи, “Хоразм табиати” музейи, “Абдуллахон” мадрасаси, “Хоразм ҳунармандчилиги” музейи, “Тош ховли” саройи, Озод ва обод ватан экспозицияси билан танишишди.

Саёҳатчилар Ичан қалъа қурилишида Хива меъморлари Ўрта Осиёда қадимдан қўлланиб келган услуб – иншоотларни рўпарама-рўпара қуриш услуби «қўш»дан фойдаланишганлигини билиб олишди Маcалан, “Оллоқулихон” мадрасаси билан “Қутлуғ Мурод Иноқ” мадрасаси, “Шерғозихон” мадрасаси билан Паҳлавон Маҳмуд мақбараси шу услубда қурилгандир. Ичан қалъа меъморлигининг яна бир ўзига хос хусусияти биноларнинг алоҳида ансамбл ҳолида қурилганлигидир.

Ичан қалъа ансамбли меъморий ёдгорлик сифатида муҳофазага олиниб, музейгаайлантирилган (1961). Мустақилликка эришган илк кунлариданоқ, Ичан қалъа Бутун жаҳон ёдгорликлари рўйҳатига киритилди.1997 йилда эса Хива шаҳрининг 2500 йиллиги муносабати билан асосий йўналишларда жойлашган ёдгорликларни мунтазам равишда таъмирлаш ва тиклаш ишлари олиб борилди.

Шунингдек, ишчилар Урганч шаҳридаги Жалолиддин Мангубердининг муҳташам  ҳайкали қад кўтарган майдонга ҳам ташриф буюрдилар.