Ўзбекистон темирйўлчилари ва транспорт қурувчилари касаба уюшмаси Республика Кенгашига аъзо ташкилотлар ўртасида ўтказиладиган соғломлаштириш ва оммавий спорт тадбирлари календарь режасига асосан, “Тармоқ касаба уюшмаси Республика Кенгашининг Кубоги”  футбол мусобақалари бошланди. Мусобақа иштирок этаётган жамоалар А, Б, С, Д, Е гуруҳларига бўлинган. Ҳар бир гуруҳдан ғолибликни қўлга киритган 1 та ғолиб жамоа кейинги ўйинларда иштирок этиш имкониятига эга бўладилар. 2019 йилнинг 31 март куни  “Локомотив” МЖСКда “Ўзбекистон темир йўллари ”АЖ тасарруфидаги барча корхоналар ўртасида “Тармоқ касаба уюшмаси Республика Кенгашининг Кубоги” футбол мусобақаси бўлиб ўтди. Мусобақанинг А гуруҳида  “Ўзтемирйўлмаштаъмир” УК, Харбийлаштирилган қўриклаш бошқармаси, “Ўзтемирйўлйўловчи” АЖ жамоалари ўзаро беллашдилар. Беллашувлар натижаларига кўра, Харбийлаштирилган қўриқлаш бошқармаси жамоаси А гуруҳи ғолибига айланди.