Сўнги йилларда Республикамиздаги барча қўриқлаш хизмати фаолиятида катта ишлар амалга оширилмоқда. Яъни аҳолини янада хушёрликка чақириш, уларни хавфсизлиги ҳамда фаровон турмушини таъминлаш, шунингдек сохада хизмат кўрсатаётган ходимлар фаолиятини кучайтириш, меҳнатларини рағбатлантириш бўйича бир қатор тадбирлар ўтказилмоқда. Ўзбекистон Республикаси мустақиллигининг 28 йиллик байрами муносабати билан 12-13 сентябрь кунлари “Ўзбекистон темир йўллар” АЖда Харбийлаштирилган қўриқлаш бошқармаси биринчилиги учун Харбийлаштирилган қўриқлаш бошқармаси ва касаба уюшма қўмитаси билан биргаликда ўт ўчириш бўйича амалий спорт мусобақси ўтказилди. Мусобақада бошқарманинг ўт ўчириш командалари иштрок этди.

Кўтаринки рухда ўтган қизиқарли мусобақада хакамлар хайъати томонидан ғолиблар эълон қилинди. Унга кўра 1-ўринни Тошкент харбийлаштирилган қўриқлаш отряди, 2-ўринни Қарши харбийлаштирилган қўриқлаш отряди ва 3-ўринни Термиз харбийлаштирилган қўриқлаш отряди эгалладилар.

Бундан ташқари Термиз ҳарбийлаштирилган қўриқлаш отрядида мини футбол мусобақаси ўтказилди. Мусобақада отряд тасаруфидаги 5 та команда – Термиз командаси, Термиз вокзали командаси, Дарбанд командаси, Термиз отряд штаби командаси ҳамда Шарғун кўмир командалари иштрок этди. Мурасасиз ва қизқарли мусобақада 1-ўринни Дарбанд командаси, 2-ўринни Термиз командаси, 3-ўринни Шаргун кўмир командаси эгалладилар. Ғолибларга бошқарма касаба уюшма қўмитаси томонидан эсдалик совғалар тақдим этилди.