3-декабрь – “Халқаро ногиронлар куни” муносабати билан Тошкент темир йўл муҳандислари институти касаба уюшма қўмитаси ва институт Хотин-қизлар қўмитаси ҳамкорлигида Миробод туманидаги 57-сонли ихтисослаштирилган давлат мактаб интернатида ҳайрия тадбирини ўтказди. Маросимда мактаб интернат ўқувчиларига институт жамоаси томонидан эсдалик совғалар тақдим этилди. Институт “Ёшлар иттифоқи” БТ фаоллари томонидан ижро қилинган куй-қўшиқлар даврага кўтаринки рух ва ўзгача завқ бағишлади. Мактаб ўқувчилари рақсга тушиб, куй-қўшиқлардан бахраманд бўлишди. Тадбир мактаб интернати ўқитувчи ва ўқувчиларда катта таасурот қолдирди.