“2020 йил “Илм, маърифат ва рақамли иқтисодиётни ривожлантириш йили” ҳамда “Устоз ва мураббийлар куни” байрами муносабати билан Тошкент минтақавий темир йўл узели касаба уюшма ҳудудий қўмитаси томонидан “ДЎСТЛИК” мини футбол мусобақаси ташкиллаштирилди. Мусобақа карантин талаб қоидаларига амал қилган ҳолда ўтказилди.

Унда Тошкент минтақавий темир йўл узели унитар корхонасининг Янгийўл станцияси, “Тошкент сигналлаштириш ва алоқа дистанцияси” (ШЧ-1), “Тошкент сигналлаштириш ва алоқа узел дистанцияси” (ШЧ-2), Салар темир йўл масофаси, Тошкент темир йўл масофаси, Ховос узели, “Ўзбекистон” локомотив депоси,  шунингдек Мониторинг ва диагностика маркази ишчи ходимларидан тузилган жамоалар иштирок этди.

 Дўстона ва қизиқарли ўтган мусобақа натижаларига кўра, 1-ўринни “Ховос узели”, 2-ўринни “Тошкент сигналлаштириш ва алоқа узел дистанцияси” (ШЧ-2) ҳамда 3-ўринни “Тошкент сигналлаштириш ва алоқа дистанцияси” (ШЧ-1) эгаллади. Ғолиб жамоаларга Тошкент минтақавий темир йўл узели касаба уюшма ҳудудий қўмитасининг кўчма кубоги ҳамда қимматбахо совғалари топширилди.

Худди шундай мусобақа Ўзбекистон стационар харбийлаштирилган қўриқлаш отрядида ҳам бўлиб ўтди. Унда отряд тасаруфидаги Ўзбекистон, Наврўз, Сирдарё ва Гулистон командалари иштрок этди. Мурасасиз ва қизқарли мусобақада Гулистон командаси 1-ўринни эгаллади. Иштирокчилар бошқарма касаба уюшма қўмитаси томонидан рағбатлантирилди.