1-июнь — Халқаро болаларни ҳимоя қилиш куни муносабати билан “Тоштемирйўллойиҳа” МЧЖ ишчи-ходимларининг фарзандлари орасида “Дунё болалар нигоҳида” мавзусида расмлар кўрик-танлови ўтказилди. Кўрик-танловда   жами 67 нафар 1  ёшдан 14 ёшгача бўлган болалар иштирок этишди. Шулардан 44 нафари 1 ёшдан 7 ёшгача, 15 нафари 8 ёшдан 11 ёшгача ҳамда 8        нафари        12      ёшдан         14          ёшгача бўлган болаларни ташкил этди.

Танлов иштирокчиларининг чизган расмларида болаларча беғуборлик, соддалик, самимийлик ҳамда уларнинг фақат ва фақат эзгуликка
интилишлари яратган асарларида шундоқ намоён бўлиб турди. Танловда иштирок этган бу кичик асарларнинг орасидан энг яхшисини ажратиш мушкул бўлди. Чунки ҳар бир чизилган асар ўзгача бир маъно-мазмун касб этган эди. Шунинг учун кўрик-танлов ғолибини овоз бериш йўли билан аниқланди. Натижада, корхона смета бўлимининг етакчи муҳандиси Дилфуза Ғаниеванинг 10 яшар ўғли          Хондамир Насруллаев ғолиб деб топилди. Ғолибга касаба уюшмаси  томонидан таъсвирий санъат борасидаги қобилиятини янада ривожлантириш учун эсдалик совғасидан топширилди, шу билан бирга Республикамиз Мустақиллик байрами арафасида уюштириладиган   азим  Бухоро шаҳри бўйлаб саёҳатга бепул бориш имконияти ҳам берилди. Кўрик-танловнинг барча иштирокчиларига касаба уюшмаси томонидан эсдалик совғалари  тақдим этилди.