Жорий “Халқ билан мулоқот ва инсон манфаатлари йили”да “Кўприкқурилиш трести” унитар корхонаси бирлашган касаба уюшма қўмитаси фаоллари ҳам кўтаринкилик билан фаолият юритишмоқда. Темирйўлчилар саломатлигини мустаҳкамлаш, улар орасида соғлом турмуш тарзини тарғиб қилиш, соҳа ходимларининг меҳнат ва дам олиш шароитларини яхшилашга ҳисса қўшиб келаётган касаба уюшма фаоллари айни кунларда янги режалар билан банд.

Яқинда корхонада кўп йиллар самарали меҳнат қилган, бугунги кунда катта катта бунёдкорлик ишларини амалга ошираётган 37 нафар ишчи-ходимлар учун Қадимий ва ҳамиша навқирон Бухорои шарифга саёҳат уюштирилди. Ушбу туристик саёҳати «TEMIRYO’L KASABA SERVIS» МЧЖ томонидан уюштирилди.

Саёҳат давомида темирйўлчилар Қадимий Бухорои шарифнинг диққатга сазовор масканларини, муқаддас қадамжолари ва Мустақиллик йилларида барпо этилган янги иншоотлари ва муҳташам биноларини зиёрат қилишди. Саёҳат барчада олам олам   таассурот қолдирди.

Корхона касаба уюшма қўмитаси томонидан ишчи-ходимлар манфаатларини ҳимоя қилувчи мана шундай чора-тадбирлар ҳали кўплаб амалга оширилади. Бу эса республика миқёсида катта-катта бунёдкорликларда ўз ҳиссаларини қўшаётган “Кўприкқурилиш” трести унитар корхонаси қурувчиларининг фидокорона фаолиятида ўз самарасини беради албатта.