“Ўзбекистон бўйлаб саёҳат қил!” шиори билан ички туризмни ривожлантириш дастурини амалга ошириш бўйича амалий чора-тадбирлар режаси давом этмоқда.

30 октябрь куни “Темир йўл касаба сервис” масъулияти чекланган жамияти томонидан “Қўқон минтақавий темир йўл узели” унитар корхонасига қарашли  ташкилотлардан жами 36 нафар ишчи-ходимларга  кўҳна Бухоро шаҳрига саёҳат уюштирилди. Саёҳлар Бухоронинг  тарихий обидалари, бой анъанавий мероси ҳамда бир-бирига қўшилиб кетган кўчаларига ташриф буюриб, “Лаби ҳовуз”, “Минораи калон”, “Бухоро зиндони” ва бошқа кўплаб тарихий қадамжолар билан танишдилар.