Жорий йил 3 декабрь куни “Қўқон” минтақавий темир йўл узели ҳудудий касаба уюшма қўмитаси ҳамда “TEMIRYO`L KASABA SERVIS” МЧЖ ҳамкорликда Ўзбекистон Республикаси Конституциясининг 24 йиллиги муносабати билан қадимий ва ҳамиша навқирон Бухоро шаҳрига туристик саёҳат ташкил этилди. Тадбирда узел тасарруфидаги корхона ва ташкилотлардан 36 нафар ишчи-ходим иштирок этди.
Темирйўлчилар саёҳат давомида Бухоро шаҳрининг диққатга сазовор жойлари жумладан “Баховуддин Нақшбандий” зиёратгоҳи, “Ситораи Мохи Хоса”, “Арк” саройи, “Минораи Калон” масжиди, “Мир Араб” мадрасаси ҳамда “Лаби ҳовуз” қадимий қадамжоларини зиёрат қилишди. Ишчи-ходимлар саёҳат давомида маданий ҳордиқ чиқариб, олам-олам таассуротлар билан қайтишди.
Касаба уюшма қўмиталари ташаббуси билан ташкил этилаётган мана шундай тадбирлар темирйўлчилар қалбида она Ватанга муҳаббат, аждодлар меросига ҳурмат руҳини шакллантиришга хизмат қилиши, шубҳасиз.