Самарқанд – нафақат Ўзбекистоннинг балки, Ўрта Осиёнинг энг қадимий шаҳарлардан бўлиб, тарихчилар бу шаҳарни Вавилон, Фива, Афина, Рим ва бошқа шу каби шаҳарлар билан тенгдош ҳисоблашади. Бугунга келиб ушбу шаҳар дунёнинг машҳур туристик шаҳарларидан бирига айланмоқда.

“Ўзбекистон бўйлаб саёҳат қил!” шиори доирасидаги тадбирларни давом эттирган ҳолда, “Ўзбекистон темир йўллари” АЖ ташкилотларида меҳнат қилаётган ходимлар хусусан, “Тошкент минтақавий темир йўл узели” унитар корхонаси ҳудудий касаба уюшма қўмитаси, “Тошкент механика заводи” акциядорлик жамияти касаба уюшма бирлашган қўмитаси “Эйвалекмахсустемирбетон” унитар корхонаси ва Гидротехник иншоатлар қуриш дирекциясининг бир гуруҳ темирйўлчилари тиббиёт ходимлари ҳамроҳлигида жорий йилнинг 19-20 сентябрь кунлари Самарқанд вилоятига икки кунлик жамоавий саёҳатга юборилдилар.

Ўзбекистон темирйўлчилари ва транспорт қурувчилари касаба уюшмаси Республика Кенгашининг ушбу ташрифга оид раёсат қарорига асосан саёҳатчилар Самарқанд шаҳрининг диққатга сазовор жойлари бўлмиш Гўри Амир мақбараси, Регистон майдони ҳамда классик меъморчиликнинг намуналаридан бири ҳисоблангаа Бибихоним масчитини зиёрат қилдилар.