21 октябрь “Ўзбек тилига давлат тили мақоми берилган куни” муносабати билан, мамлакатимизнинг турли ташкилот ва корхоналарида шу мавзудаги суҳбатлар, учрашувлар ва адабий-бадий кечалар бўлиб ўтмоқда.

Мамлакатимизда тил байрамининг ҳар йили нишонланиши она тилимизга, миллатимизга бўлган юксак эътибор номунасидир. Шу боис, шу йил 16 октябрда Марказий касаба уюшма кутубхонасида ҳам “Она тили – миллат кўзгуси” деб номланган маданий-маърифий кеча бўлиб ўтди.

Кечага Ўзбекистон хотин-қизлари кўмитаси эксперти, фалсафа фанлари доктори, профессор, халкаро тоифадаги спикер, мехнат шухрати ордени совриндори, Республика маънавият-маърифат маркази кошидаги Маърифат тарғиботчилар жамияти аъзоси, хотин-қизлар кўмитаси маслахатчиси Шермухамедова Ж.Т. ҳамда Тошкент темир йўл муҳандислари институти Миробод  академик лицейи ўқувчилари ташриф буюрдилар. Кечада Жамила Шермухамедова она – тилимизнинг нечоғлиқ бойлиги ва тил – бу халқимизнинг миллий ғурури, ифтихори эканлиги ҳақида маъруза қилдилар. Лицей ўқувчилари ҳам ўз чиқишлари ва саҳна кўринишлари билан кечага мазмун бағишладилар. Кеча жуда кўтаринки руҳда, ҳаяжонли лаҳзаларга бой бўлиб ўтди. Она тилини муқаддас билган эл ҳамиша кимлигини англаб ўзгаларга англатиб яшайди. Зеро, она – тилимизни ҳурматлаш, нутқ одобини, маданиятини ўрганиш ҳар биримиз учун зарур омил ҳисобланади.