Ўзбекистон темирйўлчилари ва транспорт қурувчилари касаба уюшмаси Республика Кенгашининг навбатдаги Раёсат мажлиси бўлиб ўтди. Уни Республика Кенгаш раиси вазифасини бажарувчи  Й.Назаров олиб борди.

Йиғилишда асосий эътибор, тармоқ касаба уюшмаси Республика Кенгашининг “Халқ билан мулоқот ва инсон манфаатлари йили” Давлат дастури ҳамда иш режаси асосида жорий йилнинг 1-чораги давомида олиб борилган фаолиятга қаратилди. Шунингдек, йиғилишда Ўзбекистон касаба уюшмалари Федерацияси Кенгаши томонидан “Юрт тараққиёти йўлида бирлашайлик!” шиори остида ўтказилаётган Форумда тармоқ касаба уюшма ташкилотларнинг фаол иштирокини таъминлаш, жисмоний шахс ва юридик шахслар вакилларини сайёр шахсий қабуллари бўйича 2016 йилнинг 4 ойи давомида амалга оширилган ишлар, болалар соғломлаштириш оромгоҳларининг 2017 йил ёз мавсумига тайёргарлиги аҳволини ўрганиш ва қабул қилиш, Ўзбекистон темирйўлчилари ва транспорт қурувчилари касаба уюшмаси Республика Кенгаши, ҳудудий, бирлашган ва бошланғич касаба уюшма ташкилотларида ижро интизомини янада такомиллаштириш масалаларига алоҳида тўхталиб ўтилиб, қўшимча чора-тадбирлар, келгусидаги иш режалар белгилаб олинди.

Раёсат йиғилишида кўрилган барча масалалар юзасидан тегишли қарорлар қабул қилинди.